Þar átti ég bernsku við brimsorfin sker
Og bjartasta hamingju daga.
Um gamla Bakkan er minningin mér
svo margþætt og hjarfólgin saga.
Hún er ekki um hallir né höfðingja slot
né háreysti á strætum og torgum,
heldur um einyrkjans ævi og kot
með erfiði gleði og sorgum.
Þótt oft væri lítið í búinu um brauð
og börnunum veturinn langur
og lifðu þar fáir við alsnægtar auð,
var alfaðir sjaldan of strangur.
Og Bakkinn er óðal mitt þrátt fyrir það,
og þangað huga minn
dreymir.
Því bið ég drottinn að blessa þann stað,
sem bernsku sporin mín geymir.Aron
