HVER ER ÉG?

ÉG ER AUGA VINDSINS, OG EYRA ÞRUMUNAR, EN ÞIG SÉ ÉG EI NÉ HEYRI. ÉG ER LOGI ELDSINS OG BROTSJÓR HAFSINS. EN BÆNIR OG KVEINSTAFIR FINNA MIG EGI.

fimmtudagur, 6. maí 2021

Bátarímur

 


Bátarnir á Bakkanum,
eru í landi núna.
Lallinn er á lakkskónum,
að leika sér við frúna.

Bátarnir á Bakkanum,
liggja út á lónunum.
Lekur allt úr Lallanum,
límonaðið í ló'unum. 

Bátarnir á Bakkanum,
burt frá landi líða,
Liggur illa á Lallanum
Því lengi má'ann bíða.

Bátarnir á Bakkanum,
lúra yfir lóðunum.
Lætur hátt í Lallanum,
liggjandi á ló'unum.

Bátarnir á Bakkanum,
landa línu aflanum,
Liggur vel á Lallanum,
léttur úti á Naflanum.

Oka 

föstudagur, 23. mars 2018

Segðu já

Nú þarf hann Jón að segja já,
jú eða jamm eða jæja þá,
ef greiða hún Gunna þarf að fá,
ella í jellið, blessuð kerlingin má.

Því ekki má orðvant í rúmmið æða
og ekkert káf né kel sem atlot auðga.
Um alla lagakróka skal ólesin fræða,
en hér telst að, bæði hvort öðru nauðga.



sunnudagur, 11. febrúar 2018

Þingrefir

Þingmennirnir þutu á brott,
þegar tæmt var staupið.
Lögðu niður loðin skott
og laumuðust burt, með kaupið.

Magnús Teitsson

laugardagur, 29. apríl 2017

Ort var um Jón í Íshúsinu

Enginn barnar eins og hann,
af öllum landsinns sonum.
Fjögur á ári eignast hann,
með aðeins tveimur konum.


mánudagur, 17. apríl 2017

Tóta Gests og kýrin

Gæðakýrin Gullhúfa,
gengur hér um hagana,
tínir í sig töðuna,
Tóta litla á hana.

sunnudagur, 30. október 2016

Svo kvað Jón Hjaltalín um flóðið 1799

Æðisflóð af álgrundu,
æslur þar með kaldi,
náði lóð þá niundu
nótt er Janus taldi.

Braut alvota báran þá
bædi skip og hjalla.
Margan tjörgu meið réð á,
mikill skaði falla.

Greind á hundrað þriðja því
þyljudúr hjá vóðum,
moluðu talin ókjör í
ýmsum veiðistöðum.

Bylgjan sólgin braut og gnæfð
búðir kaupstaðanna.
Grandaði sundfoss græðgin æfð
góssi vörumanna.

Eyrar — fór á— bakka búð;
Bátsendar að mestu.
Ein þar kona lasin, lúð
lífs fékk skiptin beztu.

Þjóðin Búðir vestra við
varð því líkt að kanna,
féll að kalla hallt á hlið
húsið kramvaranna.

Sköðuðust víða hús og hey,
hér með braut af storðum;
sterkar kirkjur, gripnisgrey
gallaði og úr skorðum.

Musterið reista Hvalsness hraut
hallt á aðra síðu,
nauða veðrið nú og braut
Ness kirkju þá fríðu.

Féð, er græðir fram við gékk,
flæddi á Eyrarbakka.
Unninn sjór þar feiga fékk
fimmtíu skeifna-rakka.

En hvað þannig mæltum mið
mörg við kópa bekki;
býli svalsins skemmdi skrið,
skrásett fæ ég ekki.


Heimild: Mjölnir 3 tbl. 1953

laugardagur, 13. febrúar 2016

Jón Guðmundsson frá Gamla-Hrauni

Einn ég séð hef unglinginn,
um sem þarf að letra,
formanns komst í félögin
frægur átján vetra.

Jóhann eigi hefir hátt,
hrönn þótt veginn grafi,
hleður fleyið fiski þrátt
fram á reginhafi.

Lætur skeiða „Svaninn" sinn
sels um breiða móa
hefir leiði út og inn
oft með veiði nóga.

Meira um Jón.